ليلة سقوط القناع كامله بقلم انجي الخطيب

سلم عليه بحماس وهي دي المدام؟
إلهام.. مراتي، رد مدحت بلجلجة.
من غير محامي؟ المحامي استغرب.
أيوه، ردت إلهام بمنتهى الثبات.
المحامي هز كتافه وبص لمدحت
كده أحسن لينا بكتير..
مدحت شاف إلهام بتترعش، سحب المحامي بعيد
خلينا نخلص بسرعة، مش عايز مشاكل.
قعدت إلهام على كنبة خشب في الطرقة، ومدحت كان بيراقبها بطرف عينه.. كانت لامة نفسها ومنكسرة وهي بتلعب في إيد الشنطة. حس بوجع خفيف في قلبه.. هل ده ذنب؟ لأ، ده توتر بس.
المحامي همس لمدحت
بص يا سيدي، الموضوع بسيط. الشقة اتمسحت في الجواز بس بفلوسك أنت، والعربية باسمك، والفلوس اللي في البنك تتقسم بالنص ودي نكسبها في ثواني.
تمام، هي أصلاً مش هتعارض.
لكن لما ندهوا عليهم، مدحت اتفاجئ بزحمة قدام الباب. شاف حماه راجل وقور وساند على عكازه وحماته، وأخو إلهام ومراته. كلهم بصوله نظرة باردة من غير حتى سلام.
إيه ده يا إلهام؟ شدها من دراعها أهلك جايين ليه؟
جايين لوحدهم.. أصل أنا ليا أهل بيخافوا عليا، قالتها ودخلت القاعة.
مدحت حس إن في حاجة غلط.. غلط قوي.
سيادة القاضي بدأ الجلسة بنبرة حازمة، ومدحت واقف مفرود الظهر، واثق إن كل حاجة ماشية زي ما رتب لها.. لحد ما وصلنا لتقسيم الممتلكات.
بناءً على طلب المدعي، هو بيطالب بالشقة والعربية الفولكس، القاضي بص في الورق إيه ردك يا مدام إلهام؟
محامي مدحت قام وقف
يا سيادة القاضي، الشقة والعربية من مال موكلي الخاص، والزوجة ما ساهمتش بمليم، كانت ممرضة ومرتبها يدوبك.
مدحت بص لإلهام، كانت قاعدة وضامة شفايفها بقوة.
مدام إلهام، أنتي موافقة على الكلام ده؟ سأل القاضي.
إلهام وقفت، وبصتها اتغيرت تماماً.. بقت حادة وزي السيف
لأ يا سيادة القاضي، مش موافقة.
مدحت اتخشب في مكانه.
اتفضلي قولي أسبابك، القاضي ساب القلم وركز معاها.
الشقة دي اتشرت بفلوس أهلي. أبويا وأمي باعوا أرضهم في البلد وعطونا الفلوس عشان نستر نفسنا، ومضيته على ورق بده. أما العربية.. فدي أصلاً مكتوبة باسم ابننا طارق من يوم ما اتشرت.
مدحت صرخ وهو واقف
كدب! أنا اللي دافع كل قرش!
اتفضل اقعد! القاضي زعق فيه عندك دليل يا مدام؟
إلهام فتحت شنطتها وطلعت ملف
أهلي بره ومستعدين للشهادة، وده عقد تنازل عن تمن الأرض ومبالغ التحويل البنكيه اللي دخلت حساب جوزي وقتها عشان يشتري الشقة.
مدحت حس إن الدم هرب من عروقه. المحامي بتاعه كان بيقلب في الورق وهو بيعرَق
أنا.. أنا ماكنتش أعرف المعلومات دي.
القاضي بص لمدحت بنظرة تخوف
في مستندات تانية بتثبت إن الفلوس دي كانت هبة لبنتهم مش قرض؟
إلهام طلعت ورقة أخيرة
وده إقرار منه بمضيته وبصمته إن الشقة دي حق شرعي ليا في حالة الانفصال.
مدحت ما كانش مصدق.. إمتى عملت كل ده؟ وإمتى كانت شايلة الأوراق
دي؟
إلهام.. إحنا كان بينا اتفاق..
إلهام بصت له بكسرة مخلوطة بانتصار
الاتفاق كان إننا نعيش بالمعروف.. طالما اخترت تمشي، يبقى نتحاسب بالعدل.
انجي الخطيب 
الجزء الثاني المواجهة الكبرى
إلهام.. إنتي بتعملي إيه؟ إحنا مش