الظابطة والبلطجي بقلم انجي الخطيب ج1
المحتويات
سيد.. أنا هفك لك الكلبش ده دلوقتي وهتمشي من هنا كأنك متمسكتش أصلا. بس مقابل ده إنت بقيت مديون ليا بخدمة.. مهمة خاصة هتحتاج فيها كل مهاراتك في التمثيل والجدعنة ولو نجحت القضية اللي عليك هتتمسح وهتاخد قرشين ينقلوك في حتة تانية.
سيد وهو بيدلك إيده بعد ما فكتها مهمة إيه دي يا سيادة الرائد اللي تخليني أبدل التخشيبة بكلمة شرف
ليلى مش وقته.. روح دلوقتي ورشتك وخليك جاهز هبعت لك حد من طرفي الحارة يتفق معاك على كل التفاصيل. إياك تختفي يا سيد لأن ايدي طايلة وهجيبك من تحت الأرض.
سيد بغمزة وهو نازل من العربية أنا مبهربش اسم الكربمة ايه اسمي الرائد ليلي ماشي يا ليلى هانم.. ومستني المرسال بتاعك بس ياريت يكون دمه خفيف زيك.
سابته ليلى وطارت بالعربية وطول الليل كانت صاحية قاعدة في بلكونة أوضتها السيجارة مابتفارقش إيدها وعينها على صورة جلال. كانت بتسأل نفسها أنا صح اللي بعمله ده طب هبعت مين لسيد لازم حد ثقة حد ميتكشفش وحد يقدر يسيطر على لسان سيد الزفر ده. مكنش قدامها غير عمر أخوها الوحيد اللي عارف وجعها وبير اسرارها
By Engy ELkhateb
الصبح طلع وليلى نزلت الصالون وهي لابسة نضارتها السوداء عشان تداري السهر. العيلة كانت متجمعة على السفرة ليليان بتلعب في موبايلها وعمر قاعد بيفطر كرواسون وبنظافته المعهودة.
ليليان صباح الخير يا لول.. شكلك منمتيش كانت مأمورية صعبة
ليلى شغل يا ليليان.. عمر خلص فطارك وعايزاك في المكتب فورا في موضوع حياة او موت
عمر بدهشة حياة أو موت يا ساتر يا رب! أنا لسه مخلصتش القهوة بتاعتي يا ليلى!
دخلوا المكتب وليلى قفلت الباب بالمفتاح وعمر بدأ يقلق.
عمر في إيه يا بنتي قلقتيني!
ليلى بمنتهى الجدية أنا لقيت جلال يا عمر.
عمر بصدمة جلال إنتي اتجننتي جلال مات ودفناه!
ليلى لقيت شبيهه.. نسخة طبق الأصل لدرجة تخوف. بلطجي في حارة الجيارة اسمه سيد شقاوة. أنا عايزاه يدخل الفيلا
عمر قام وقف إنتي بتقولي إيه ده جنون! بلطجي يدخل بيتنا ولو كشفوه ولو سرقنا
ليلى محدش هيكشفه لو إنت وانا اللي دربناه. أنا عايزاك تنزل له الحارة النهاردة في ورشتة في الجيارة.. تقعد معاه تتفق على المبلغ وتجيبه في البيت المعزول عشان نبدأ نجهزه.
عمر بقرف أنا أروح الجيارة وسط الزبالة والمطاوي يا ليلى ده أنا جزمي براند والناس هناك هتاكلني!
ليلى مسكت إيده بقوة يا عمر ده حق أختك وحق جلال اللي راح غدر. سيد ده هو الكارت الوحيد اللي ربنا بعته ليا طوق نجاه انزل يا عمر وكون راجل وخليك ناصح معاه.. سيد ذكي بس إنت أذكى بكتير. انت متعلم وهو جاهل
عمر اتنهد بقلة حيلة وبص لليلى وشاف الوجع في عينها
عمر ماشي يا ليلى.. هروح ل شقاوة بتاعك ده وأمري لله. بس لو رجعت بمطواة في جنبي إنتي اللي هتخيطي الجرح!
ضحكت ليلى لأول مرة وحضنت أخوها هيرجعك سليم يا عمر.. بس روح وشوف المعجزة اللي شوفتها بالليل.
By Engy ELkhateb
عمر نزل من عربيته المرسيدس في دخلة الحارة وكان لابس طقم سمارت كاجوال وماسك في إيده منديل مرشوش عليه برفان غالي وحاطه على مناخيره. الناس في الحارة بدأوا يبصوا له باستغراب وعيل صغير حدفه بجلدة حنفية فعمر اتفزع وصاح أوه ماي جاد! إيه البيئة دي.
وصل لورشة سيد لقى سيد نايم تحت عربية ميكروباص ووشه كله شحم ورجليه طالعة لبرة.
عمر بيدوس بالراحة بجزمته التمبرلاند بتاعتة يا كابتن.. يا مستر شقاوة.. يو هووو!
سيد طلع من تحت العربية ومعاه مفتاح إنجليزي مين اللي بيصوصو ده إيه يا نونو إنت إيه اللي جابك هنا ضيعت الببرونة بتاعتك ولا إيه
عمر بقرف ببرونة إيه يا بيئة إنت أنا جاي بخصوص الديل Deal اللي ليلى حكت لك عليه. إنت عارف إن حياة اهتي في خطر وانت اللي هتنقذها
سيد هرش في راسة وقالة بقي سيادة الرائد حياتها
By Engy ELkhateb
عمر اعد معاه وحكالة كل التفاصيل ساعتين يفهم فيه ويقنعة لحد ما سيد مسح إيده في حتة قماشة وسخة وقعد على كرسية خشب مكسور وقال
جري ايه يا عمنا انت جايلي الحارة وبقالك ساعتين ترغي في ودني وفي الاخر بتتمسخر بيا وطالب مني طلب غريب وبتقولي عايزك تبقي انت بس مش انت انت هو وهو مات ازاي يعني انا ابقي انا بس مش انا
بص يا مان إنت الوحيد اللي لازم تعمل الدور دا لانك شبه جوز أختي الله يرحمه بالظبط. إحنا عايزينك تلبس هدومه وتعيش في فيلته وتمثل إنك هو قدام أهله العقارب لمدة أسبوع بس.. في مقابل شنطة فلوس تفتح لك عشر ورش.
سيد ضحك بقهقهة عالية أنا أبقى باشا يا ابني أنا لو دخلت الفيلا اللي بتقول عليها دي هسرق النجف! وبعدين لساني الزفر ده هيوديني في داهية.
عمر ما هي ليلى هتعلمك كل حاجة .. يعني هتلمعك وتظبطك. وافق بس ده إنت هتاكل سوشي وتنام على مرتبة تاكي!.
سيد سوشي إيه يا ملزق إنت أنا آخري رغيف حواوشي من عند بحة يظبط النفوخ.. بس ماشي طالما فيها فلوس وحكومة نلعب اللعبة.. بس لو حد كشفني هقول إني تبعك يا نونو!.
يا شقاوة افهم انت هتعدي الفقر لو نجحت في المهمة دي
ماشي يا عم مقولتش حاجة ومحدش يكره النعمة .. بس أنا إيه اللي يخليني أخاطر بنفسي وألبس بدلة تقل مني وأقعد أقول ميرسي وبونجور أنا راجل حر مش بتاع تمثيليات. عمر باستنكار وهو بيبصلة و قالة تلبس بدلة تقل من كرامتك غلي اساس اللي انت لابسة دلوقاي عاملك هيبة وكرامة ياعم اتنيل سيد بصلة وهو مزمجر
عمر شاف السر في عنية لما حس انه بيتريق عليه جر ناعم معاه وقعد على حرف برميل بخوف ليقع يا سيد الموضوع مش بس تمثيل دي مغامرة! إنت هتدخل بيت عيلة الغول الناس اللي بيتحكموا في نص سوق العقارات. وبعدين ليلى قالت لي إنك لو وافقت ليك عندي مكافأة تخليك تجيب ورشة تانية وتالتة وتجوز كل عيال الحارة دي.
سيد بخبث
عمر حماية قانونية يا معلم! يعني مفيش مخبر هيقدر يقول لك يا هادي حتى. وبعدين إنت مش هتمثل لوحدك أنا هبقى معاك الظل بتاعك. لو غلطت في كلمة أنا هتدخل أصلحها.
سيد ضحك إنت تتدخل ده إنت لو شوفت صرصار في الفيلا هيغمى عليك! ده أنا اللي هحميك من عيلة الغول دي .
عمر طلع تابلت Tablet وفتحه وبدأ يوري سيد صور جلال
عمر بص يا سيد.. ده جلال. شفت طريقة تسريحة شعره شفت الساعة دي شفت النظرة دي دي نظرة أنا غني ومعايا فلوس كتير.
سيد بص للصورة بتركيز يا سبحان الله! يخلق من الشبه أربعين.. بس الراجل ده عينه فيها حزن كأنه كان عارف إنه هيموت.
عمر بجدية لأول مرة جلال كان طيب يا سيد وليلى كانت بتحبه بجد. ساعدها ترجع حقها وأنا بوعدك إنك مش هتندم.
سيد قام ووقف بكل طوله خلاص يا عمر بيه.. أنا وافقت. بس بشرط أول ما المهمة تخلص ترجعوني الحارة في بوكس شرطة عشان يعملي هيبة في المنطقة اصلي مابحبش أركب المرسيدس بتاعتك دي بتحسسني إني نونو زيك.
عمر بضحكة اتفقنا يا بطل.. يلا بينا عشان ليلى مستنيانا في الفيلا
سيد بص لورشته بصه أخيرة وحدف المفتاح الإنجليزي للصبي بتاعه وقال خلي بالك من الورشة يا واد يا برشامة.. ولو حد سال عليا قوله المعلم رايح يغير العالم وراجع!
By Engy ELkhateb
عمر دخل بسيد الفيلا وسيد كان ماشي يتلفت حواليه بيبص للنجف اللي مدلدل والسجاد اللي بيغطس فيه الرجل.
سيد إيه يا عمر يا أخويا ده إحنا لو رشينا الحارة كلها سبرتو مش هتبقى بالنضافة دي! إنتو عايشين في متحف ولا إيه
عمر اثبت بقى يا سيد وبلاش تبريق بعينك كدة ليلى زمانها نازلة.. استنى هنا في الريسبشن.
عمر سابه وطلع يشوف ليلى وسيد وقف قدام مراية مذهبة كبيرة بيظبط ياقة قميصه . وفجأة سمع صوت كعب رقيق نازل على السلم الرخام. بص لقى بنت زي القمر صغيرة في السن لابسة فستان رقيق وشعرها نازل على ظهرها وماسكة تابلت في
سيد تنح ونسي كل اللي عمر قالهوله وبص لها بإعجاب ابن
متابعة القراءة
