ضل راجل بقلم انجي الخطيب
انا يتيمة اب وام اتجوزت اول واحد اتقدملي وقولت ضل راجل يكون معايا ويكون ضهر وسند ليا بس بعد ما اتجوزت كانت الصدمة حسيت اني عايشة في سجن كل حاجة محسوبة عليا فية لو تعبت ونمت يجي يصحيني ويقولي طول ما انا صاحي انتي تبقي صاحية عشان لو عوزت حاجة لما كنت اتعب واعيي زي كل الناس ابسط الامور دور برد كان يقولي مش المفروض تتعبي انت وراكي مسؤليات تتعمل قومي وبطلي دلع عمرة ما وداني لدكتور انما هو لو تعب يروح ويكشف ويجيب علاج ولازم اسهر اديلة العلاج في مواعيدة وكمان مش بتشكر علي كل دا كان يقولي انتي معيطتيش وبينتي انك زعلانة عشان انا تعبان ليه
كنت لما ابقي جعانة بخاف امد ايدي علي الاكل الا في وجودة عشان بيحي من الشغل يفتح التلاجة ويشوف ايه اللي نقص منها ولو لقي حاجة ناقصة كان بيزعقلي كنت بعمل الاكل واحط الفراخ او اللحمة كلها قدامة وانا احط شوية رز ولو في خضار احط شوية علي الرز واكل وهو بعد ما يخلص اكل لو اتبقي حاجة منة كنت اكلها ويقولي خدي دي كلي انا معرفش اكل حاجة من غيرك كنت ابصلة واسكت
مفيش مرة جابلي لبس عيد ولو طلبت وقولت انا معنديش لبس يتخانق معايا ويقولي انا
بقيت اتكسف اروح عند اهله لاني معنديش حاجة كويسة البسها وهو ينزل كل شوية يشتري اغلي لبس ويقولي عشان شغلي مظهر ابقي معاة الاقيه يشتري لنفسة اغلي حاجة وان قولت بكل مسرة وانا مش هتجبلي حاجة جديدة وكان يدور علي ارخص حاجة ويشتريها ليا وان قولت ان في حاجة عجباني وطلعت غالية يقولي لا مش حلوة عليكي عشان ميجبهاش ليا
ولو قولتلة انا محبوسة في البيت مبخرجش يقولي مش بتروحي السوق هي دي مش خروجة كنت ابص واقولة طيب عشان خاطري خرجني مشيني في الشارع اشم هوا انا مش عايزة حاجة غير كدا كان يخرجني و يرجع بعدها يعايرني انه خرجني ويقولي انا صرفت كل اللي في جيبي عليكي.......
من بداية الجواز اتفقت معاه علي مبلغ معين يدهولي لمصروف البيت وكنت ممشية البيت والحمد لله وعايشة لحد ما كل حاجة زادت والدنيا بقت غالية طلبت منه يزود الفلوس لاني بدفع منها ايجار ونور وماية واكل طول الشهر
رد عليا قالي لمي ايدك وامنعي الرفهيات قولتلة فين هي الرفهيات دي انا عمري ما كان ليا طلبات اللي بتدهولي
قالي امنعي الجبن والبيض واللبن والفاكهه دي رفهيات قولتلة اللي انت بتتكلم فيه دا اساس بيت مش رفهيات وانت اللي بتاكلهم مش انا قالي مش مهمين متجبهمش تاني ومشي البيت قولتلة خلاص امسك انت المصروف ومشي انت البيت واللي هتجيبة هعملة قالي لا انا اتفقت علي حاجة من بداية الجواز وهنفضل ماشين عليها قولتلة لا مش هاقدر ولا هاعرف اعمل كل دا الدنيا بقت غالية وانا تعبت اني ادبرها من كل ناحية وانت مش شايف ولا مقدر
قالي بتعملي اية مبتعملوش اي ست دا انا معيشك عيشة معشتيهاش في بيت اهلك هو قالي كدا وانا لاقيت نفسي لأول مرة في حياتي برد عليه قولتلة فعلا انت معيشني عيشة معشتهاش في بيت اهلي عشان في بيت اهلي كنت باكل وبشرب براحتي مش بخاف امد ايدي علي الاكل لحد يزعقلي وبلبس احسن لبس مش بقالي سبع سنبن مجبتش حاجة جديدة ولو حبت تجبلي اوحش وارخص حاجة انا لبسي اللي اتجوزتك بيه وكنت مجهزة نفسي بيه قبل الجواز قدم وفيه اللي داب انا تعبت اسكت ومش هسكت تاني
قالي انتي بتعلي صوتك عليا يا نكارة الجميل ياللي معندكيش دم انتي عايزة تتربي عشان تعرفي قيمة العيشة اللي كل الستات تحلم تعيشها
كلامة نزل عليا زي السهم اللي دخل قلبي قطعة اكتر ما هو متقطع من سنين
قولتلة عندك حق انا ماليش لازمة عشان كدا انا هسيبلك البيت اللي كل الستات تحلم تعيش فيه وامشي
ودخلت الاوضة عشان الم هدومي وامشي
لاقيتة دخل ورايا وقفل الباب وببص في ايدة لاقيت.......
لقيته دخل ورايا وقفل الباب وببص في إيده لقيت الحزام اللي كان لسه قالعه من شوية وهو بيغير هدومه لفه على إيده مرتين وعينيه كانت بتطلع شرار ونبرة صوته اتغيرت تماماً وبقت هادية هدوء مرعب وقال لي تمشي تروحي فين يا روح أمك؟ هو دخول الحمام زي خروجه؟ أنا في اللحظة دي جسمي كله اتنفض ومبقتش شايفة قدامي غير السواد اللي عشته معاه السنين اللي فاتت وقبل ما يرفع إيده عليا صرخت بأعلى صوت عندي اضرب.. وريني هتعمل إيه تاني أكتر من اللي عملته! أنت موت فيا كل حاجة حلوة أصلاً مبيتش بخاف منك ولا من حزامك الكلام خلاه يتجنن أكتر وهجم عليا وزقني على السرير وهو بيحلف إنه هيربيني من أول وجديد بس المرة دي كانت مختلفة لأني مسكت في فازة كانت على الكومودينو ورفعتها
