صدمة اب حكايات انجى الخطيب
المحتويات
مش جايين نقتلك، إحنا جايين ناخد اللي يخصنا ونمشي في هدوء.. بصيت لليلى لقيت واحد تاني لابس قناع أسود واقف فوق راسها وماسك سرنجة، وقالي بصوت واطي لو صباعك اتحرك على الزناد، البنت دي مش هتقوم تاني.. نزل السلاح!.
نزلت المسدس بكسرة نفس، والأرض بتلف بيا، والراجل الشيك قرب مني وخد اللابتوب من على التربيزة وحطه في شنطته، وقالي وهو بيطبطب على كتفي أنت أب بطل، بس الأبطال بيموتوا بدري.. الفيديو ده كان هيوديك ورا الشمس قبل ما يودينا، أنت متعرفش أنت بتلعب مع مين.. وهو خارج، بص لليلى وقال بنتك شافت كتير، وده غلط على صحتها..
جريت على ليلى أول ما خرجوا، كانت بتنهج برعب بس سليمة.. فكرت إن الكابوس خلص، بس وأنا بضمها، لقيت في إيدها ورقة صغيرة كانت مكمشة، ليلى همستلي وهي بتبكي الراجل اللي كان لابس ماسك حط دي في إيدي وقالي متوريهاش لبابا..
فتحت الورقة بإيد بتترعش، كان مكتوب فيها بخط اليد عم صابر مقتلش مدحت عشان بنته.. عم صابر واحد مننا، ومدحت كان لازم يموت عشان ميتكلمش.. الدور على المدرسة اللي بلغت.. لو عايز تلحقها، هي دلوقتي في مخزن المدرسة القديم.
بصيت في الساعة كانت 3 الفجر، والسكون مالي الشارع.. مكنتش عارف أروح للبوليس اللي نصهم
خدت ليلى في حضني ونزلت أجري على العربية، مكنش ينفع أسيبها في البيت لوحدها ولا كان ينفع أسيب المدرسة الغلبانة تموت بسببي.. وصلت المدرسة وكانت الضلمة فيها تذبح، مفيش غير كشافات البوليس اللي كانت لسه بعيد بتلملم آثار جريمة مدحت.. تسللت من الباب الوراني لحد ما وصلت للمخزن القديم اللي في آخر الحوش.
فتحت الباب براحة، الريحة كانت تراب وعفن.. شفت المدرسة سارة مربوطة واللزق على بوقها وعينيها بتطلع شرار رعب.. جريت عليها عشان أفكها، بس أول ما شلت اللزق من على بوقها صرخت بأعلى صوتها اطلع برا يا إبراهيم! ده فخ! المكان ملغم!..
وقبل ما أستوعب كلامها، سمعت صوت تيك تيك تيك جاي من تحت الكرسي اللي هي قاعدة عليه.. بصيت لقيت قنبلة موقوتة، والعد التنازلي فاضل فيه 30 ثانية بس! في اللحظة دي النور كبس علينا من كل حتة، وسمعت صوت مكبر صوت من بره بيقول ارمي سلاحك يا إبراهيم.. أنت دلوقتي متهم بخطف مدرسة وقتلها.. والمدرسة كلها هتنفجر بيك
بصيت لليلى اللي كانت واقفة عند الباب بتعيط، وبصيت لسارة، والوقت كان بيجري.. 10 ثواني.. 9.. 8.. وفجأة، لمحت حاجة غريبة في ركن المخزن.. عم صابر الفراش كان قاعد في الضلمة وماسك ريموت كنترول في إيده، وبصلي بابتسامة مرعبة وقالي أنا قولتلك يا بيه.. إحنا لسه مخلصناش.. مدحت كان البداية، وأنت النهاية.
عم صابر ضغط على الزرار، والمخزن كله اتهز بصوت انفجار مكتوم، بس الغريبة إن النار ممسكتش فينا.. الدخان ملى المكان، وفي وسط الزحمة دي حسيت بإيد بتسحبني أنا وليلى وسارة لتحت الأرض.. فتحة سرية تحت الكرسي كانت هي المهرب الوحيد.. نزلنا في نفق ضيق وضلمة، وفجأة سمعنا صوت حد بيقفل الفتحة من فوق وصوت عم صابر وهو بيضحك بهستيريا فوقينا هربتوا من الموت للموت.. النفق ده مبيوديش لبره.. ده بيودي ل الأوضة الكبيرة.. المكان اللي الكل بيخاف ينطق اسمه!.
مشينا في النفق والقلب بيدق في الرجلين، لحد ما وصلنا لباب حديد ضخم.. ليلى مسكت إيدي وقالتلي بصوت ميت من الرعب بابا.. أنا عارفة المكان ده.. ده المكان اللي كانوا بياخدونا فيه لما نكون شاطرين.. بص يا بابا على الحيطة.
بصيت لقيت الحيطة متغطية بصور مئات الأطفال، وكل صورة تحتها تمن بالدولار..
وقفت مكاني مشلول، بصيت لليلى وبعدين بصيت لمدحت اللي كان المفروض جثة من ساعة فاتوا، ضحكته كانت بترن في الأوضة زي فحيح التعبان وقالي الضربة اللي خدتها من عم صابر كانت جزء من العرض يا إبراهيم.. إحنا اللي بنرتب المشهد، وإحنا اللي بنختار مين يعيش ومين يموت.. في اللحظة دي فهمت إن المدرسة دي مكنتش مجرد مكان للتعليم، دي كانت سوق كبير، والمدير ده مجرد واجهة لناس تانية خالص.
مدحت شاور لرجاله، وقربوا مني عشان ياخدوا شنطة ليلى، وهو بيمسح الدم من على وشه قالي ببرود النسخة اللي على اللابتوب بتاعك كانت فخ، إحنا عارفين إنك سجلت كل حاجة على كارت ميموري صغير ومخبيه في عروسة ليلى.. هاته بالذوق بدل ما بنتك تدفع التمن.. بصيت لليلى لقيتها بتطلع العروسة من شنطتها وهي بتترعش، بس قبل ما يمد
متابعة القراءة
