جـزيرة عـيد الـزواج كـاملة حكـايات إنجـي الخطيـب

حجزت جزيرة لوحدي عشان أنقذ بيتي.. جوزي جه ومعاه أمه وبنت خالته...!!!!!
ممكن تطبخي وتشيلي وتحطي براحتك يا مريم، أهو تبقي عملتي حاجة مفيدة كزوجة بدل قعدة المكاتب دي.
جوزي قال الجملة دي وهو واقف بكل فخر على مرسى اليخوت في مدينة العلمين الجديدة.. قدام الأبراج اللي بتناطح السحاب، وقدام أهله، وفوقيهم هند بنت خالته، وقدام القبطان اللي مستني ينقلنا للجزيرة الخاصة اللي حجزتها بمناسبة عيد جوازنا
حكايات انجي الخطيب 
لحظتها وقفت مكاني، نزلت النضارة من على عيني وأنا مش مصدقة.. معقول ده رامز؟
حكايات_إنجي_الخطيب
خمس سنين.. خمس سنين متجوزة رامز الشافعي.
خمس سنين وهو بيتشيك بأغلى الساعات، وعزومات في أفخم الأماكن، وعربيات أحدث موديل وهو مِتلطم.. والناس كلها في الساحل فاكرة إنه البرنس اللي مفيش منه اتنين.
بس الحقيقة المرة كانت عندي أنا.
شركة الأمن السيبراني اللي بتصرف على المنظرة دي.. ملكي أنا....
أنا اللي بدأت من شقة صغيرة في فيصل.. كنت بنام تلات ساعات، لغيت حياتي، شربت المُر عشان أسدد ديوني،

واستحملت تريقة الناس لما قلت هعمل شركة لوحدي.. لحد ما كبرت وبقت مؤسسة بتكسب ملايين.
أما رامز، فكان شغال موظف في شركة استيراد، مرتبه يا دوب يكفي بنزين العربية اللي أنا شاريها له.. ومع ذلك، كان دايماً بيحسسني إني ناقصة.
شهور وهو يقطم فيا إني ناشفة.. إني مشغولة بزيادة.. إني مهملة في البيت.
كان بيقولي إن الشغل خلاني ست ملهاش قلب.. وإنه محتاج زوجة تدلعه وتكون فاضية له.
وعشان كنت لسه باقية على البيت وعايزة أصدق إن جوازنا ممكن ينصلح حاله، خططت لمفاجأة في عيد جوازنا الخامس.
أسبوع كامل على جزيرة خاصة في البحر.. فيلا ملكنا.. شيف مخصوص.. طقم خدمة.. شاطئ ملوش آخر.. وانتقالات بطيارة خاصة....
حكايات_إنجي_الخطيب
أسبوع كامل.. دفع فيه أكتر من مليون جنيه من عرق جبيني، مش عشان أبهر حد، لكن عشان نكون لوحدنا وأفتكر أنا حبيت فيه إيه أصلاً.
قبل السفر بليلة، عطيته الظرف اللي فيه الحجز في العلمين وقلتله
ده لينا إحنا وبس.. مفيش شغل، مفيش دوشة.. أنا وأنت وبس يا رامز.
رامز بص لي بطرف عينه وهو ماسك موبايله وقال
يا مسهل، بس يارب النت يكون شغال هناك.. مش هعطل مصلحتي عشان حضرتك هتمثلي دور الزوجة المثالية.
الكلمة وجعتني.. بس بلعتها، زي غيرها كتير....
تاني يوم، وصلت المرسى في العلمين متأخرة نص ساعة عشان كان فيه مشكلة في السيستم في الشركة.
كنت فاكرة هلاقيه مستنيني لوحده، يمكن متعصب شوية.. لكن المنظر كان صدمة.
كان واقف ومعاه والدته، الست فوزية.. ووالده، أستاذ إبراهيم.
ومعاهم هند.. بنت خالته.
كانت لابسة فستان أبيض لولي وماسكة في دراع جوزي كأنها هي اللي حاجزة الرحلة من مالها الخاص.
حماتي بصت لي بصه كلها استهزاء وقالت
يا دوبك وصلتي يا ست الهانم؟
رامز كمل ببرود كويس إنك شرفتي.. أنا عزمت بابا وماما وهند.. البنت بقالها كتير مخرجتش ونفسيتها تعبانة، والجزيرة كدة كدة كبيرة وتشيلنا كلنا.
بصيت له بذهول أنت جايب أهلك وبنت خالتك في رحلة عيد جوازنا؟
نفخ بضيق فكيها بقى وبطلي شغل دراما ده.. متبقيش نكدية في وسط الناس.
هند بصت لي بابتسامة صفراء وهي لسه لازقة فيه، ورامز قرب مني وهمس في ودني بقسوة
اسمعي يا مريم، أنتِ هتقومي بدورك في الفيلا.. الأكل والنضافة وكل حاجة لازم تكون توب.. أهو تتعودي تكوني ست بيت حقيقية بدل ما أنتِ طول النهار بتأمري وتنهي في الموظفين بتوعك.
حكايات_إنجي_الخطيب
وقبل ما أرد، حماتي ضحكت وقالت الرصاصة الأخيرة
أهو ده أقل واجب تعمليه بفلوس ابني اللي أنتِ عايشة فيها دي.
بصيت لرامز.. كنت مستنية كلمة واحدة.. تصحيح واحد للحق.. إنه يقول يا ماما دي فلوس مريم.
لكنه فضل ساكت، لبس نضارته وابتسم بمنتهى البجاجة.
ساعتها، أنا كمان ابتسمت....
بس مكنتش ابتسامة مريم الضعيفة اللي خايفة على بيتها.. كانت ابتسامة ست شافت الحقيقة عريانة قدام أبراج العلمين.
بصيت للقبطان.. وبعدين للمسؤول عن الجزيرة اللي ماسك الكشوفات اللي باسمي أنا.
وفي اللحظة دي، مفيش حد فيهم كان مدرك المصيبة اللي هتحصل..
أنا اللي حاجزة.. أنا اللي دافعة.. وأنا اللي أقدر ألغي كل ده بمكالمة تليفون واحدة....
رامز افتكر إنه جاب أهله وبنت خالته عشان يكسر عيني ويذلني بيهم.. بس كان لسه هيعرف إن الست اللي بيعاملها كأنها شغالة.. هي اللي ممشية حياته وحياة عيلته كلها.
واللي عملته بعد