القيصـر وهاربـة القصـر كاملة بقلم الكاتبة انجي الخطيب
المحتويات
ياكل في دماغه. هل ليلى اتجوزت غيره؟ هل استغلت اسمه عشان تهرب من ورطة؟
قطع تفكيره صوت الممرضة يا فندم، المدام فاقت وبتردد اسمك.. الدكتورة سمحتلك بدقيقة واحدة بس، هي لسه تعبانة جداً.
عمر خد نفس عميق، عدل جاكيت بدلتة، ودخل الأوضة بخطوات تقيلة. كانت ليلى نايمة، وشها شاحب زي الورقة البيضا، وعينيها دبلانة.. بس لسه جميلة بنفس الرقة اللي خطفت قلبه زمان.
أول ما شافته، دموعها نزلت من غير صوت. همست بصوت يدوب مسموع
عمر.. كنت عارفة إنك مش هتاخذلني.
عمر فضل واقف بعيد، ملامحه كانت جامدة ومبيبانش عليها أي مشاعر
حمد لله على سلامتك يا ليلى.. بس افتكري إن المرة اللي فاتت كنت أنا اللي محتاجك وأنتي اللي خذلتيني.
غمضت عينيها بوجع وقالت مظلومة يا عمر.. والله كنت مظلومة.
عمر ضحك بمرارة مظلومة؟ اختفيتي يوم الخطوبة، سبتيلي دبلتك في ظرف وهربتي، ودلوقتي راجعة تولدي باسمي وتسميني جوزك؟ الطفل ده ابن مين يا ليلى؟ انجي الخطيب
ليلى حاولت تتعدل بس الألم منعها، شهقت وقالت الطفل ده يبقى.. يبقى ابن أخوك.. ياسين.
الصدمة الكبرى
الكلمة وقعت على ودن عمر زي الصاعقة. ياسين؟ أخوه الصغير اللي مات في حادثة عربية من تسع شهور؟ الأخ اللي كان عمر بيعتبره ابنه مش بس أخوه؟
عمر صوت علّي وبدأ يفقد أعصابه إنتي بتقولي إيه؟ ياسين مات من تسع شهور! إنتي عايزة تلزقي فيه طفل وتلوسي سمعته وهو ميت؟
ليلى مسكت إيده بقوة غير متوقعة اسمعني يا عمر.. أنا وياسين اتقابلنا بالصدفة بعد سنين من اختفائي. هو الوحيد اللي عرف مكاني، وهو الوحيد اللي عرف الحقيقة اللي خلتني أهرب منك.. الحقيقة اللي لو عرفتها وقتها كنت هتخسر إمبراطوريتك وحياتك.
عمر اتراجع لورا وهو مش مصدق حقيقة إيه؟
ليلى بكت بحرقة أبوك.. عثمان الألفي.. هو اللي هددني. قالي لو متجوزتكيش هيسحب منك كل الأملاك ويخليك تبدأ من الصفر، وهيدمر عيلتي البسيطة. هربت عشان أحميك من طمعه. وياسين لما عرف الحقيقة من سنة، حاول يصلح اللي حصل، اتجوزنا في السر لأنه كان عارف إنك لسه بتحبني وكان خايف من المواجهة.. ويوم ما قرر يصارحك، حصلت الحادثة.
عمر انهار على الكرسي اللي جنبه. ذكريات الحادثة رجعتله، يوم ما ياسين كلمه وقاله عايزك في موضوع يغير حياتنا يا أخويا.. وموصلش أبداً.
اللعبة القذرة
بينما عمر بيحاول يستوعب الكارثة، دخل محامي العيلة رفعت بيه المستشفى بملامح قلقة.
عمر بص له بشك إيه اللي جابك هنا يا رفعت؟
المحامي بلع ريقه عمر بيه.. فيه وصية سابها ياسين بيه في الخزنة عندي، مكنتش
عمر قام وقف بحدة، وعينيه بقت بتقدح شرار يعني ليلى مش بس رجعت بماضي أسود، دي رجعت عشان تاخد نص الشركة؟
ليلى بصت له بكسرة أنا مش عايزة فلوس يا عمر، أنا رجعت عشان الطفل ده ملوش حد غيرك. ابنه كان بيحبك، وكان عايزك تبقى سنده.
القرار الصعب
عمر خرج للطرقة، وقف قدام إزاز الحضانة وهو بيبص للطفل. هل ده فعلاً ابن أخوه؟ حتة من ريحة ياسين؟ ولا دي لعبة تانية من ألاعيب ليلى؟
طلع موبايله واتصل برئيس حرسه
تجمعلي كل المعلومات عن ليلى مراد في التمن شهور اللي فاتوا.. كانت ساكنة فين؟ وبتقابل مين؟ وعايز تحليل DNA حالا.. من غير ما حد يعرف.
المعركة بدأت.. مش بس معركة على الفلوس والشركة، دي معركة بين قلب ليلى اللي لسه بيحب، وبين عقل عمر اللي اتعود يشك في كل حاجة.
وهو واقف، لفت نظره راجل لابس كاب وغامض واقف في آخر الطرقة، أول ما عينه جت في عين عمر، الراجل ده جري بسرعة في اتجاه السلالم.
عمر عرف إن الموضوع مش مجرد ولادة ووصية.. فيه حد تاني عايز يخلص من ليلى والطفل قبل ما الحقيقة تظهر.
الجزء الثالث خيوط اللعبة
عمر مسابش الراجل اللي كان بيراقبهم يهرب
عمر نزل له بخطوات واثقة، وبصوت زي الفحيح قال
أنا مابحبش اللي يراقبني في بيتي.. والمستشفى دي أنا اشتريت نص أسهمها من عشر دقايق وأنا واقف، يعني إنت دلوقتي في بيتي. انطق.. مين اللي بعتك؟
الراجل كان بيترعش، بس قبل ما ينطق بكلمة، موبايله رن. عمر سحب الموبايل وبص على الشاشة.. الاسم كان البيت الكبير.
قلب عمر انقبض. البيت الكبير ده الكود اللي كان ياسين أخوه بيستخدمه لما يحب يتكلم عن فيلا والدهم، عثمان الألفي.
المواجهة مع الشيطان
عمر ساب الراجل للحرس، ورجع أوضة ليلى وهو جواه بركان. لقاها نايمة، ودموعها لسه معلقة على رموشها. قعد على الكرسي وبص لها بتركيز.. هل فعلاً والده هو اللي دمر حياتهم؟ هل الجبروت يوصل بالأب إنه يطرد حبيبة ابنه الكبير عشان يجوزها لابنه الصغير في السر؟ ولا الحكاية أعقد من كده؟
فجأة، ليلى فتحت عينيها، وصوتها كان مرعوب
عمر.. ابني فين؟ خبي ابني يا عمر.. هما مش هيسيبوه.
عمر مسك إيدها عشان يهديها محدش يقدر يلمس شعره منه طول ما أنا عايش. بس قوليلي.. ياسين مات إزاي يا ليلى؟ الحادثة كانت قضاء وقدر فعلاً؟
ليلى بدأت تنهج بصعوبة
متابعة القراءة
