طاقة القدر بقلم انجي الخطيب

جوز امي خلاني سبت المدرسة من اولي اعدادي و اشتغلت في محل ملابس امسح واكنس عشان اصرف علي البيت وياريت جت علي اد كدا دا كل يوم كان بينيمني معيطة من ضربة فيا بسبب ومن غير سبب وكأن ذنبي الوحيد اني جيت الدنيا دي غلط .... 
عندي ٢١ سنة عشت مع جوز امي نص عمري في تعب ووجع والم نفسي محدش يستحملة خلاني اشتغل من وانا عندي ١١ سنة كنت بشتغل في المحلات اكنس وامسح واخد اللي في النصيب ولما ارجع البيت ياخد فلوس تعبي وشقايا مني حتي تعليمي خرجني منه ومرضيش يخليني اكمل وكل ما كنت اتكلم كان يمد ايدة عليا ويضربني ويقولي مش كفاية مستحملك انتي وامك العيانة واحد غيري كان رماكوا في الشارع من زمان بس انا عشان قلبي طيب سايبكوا... 
Engy_Elkhatib 
بصتلة بصة غيظ وقولت في سري لا طيب اوي الصراحة روح

يا شيخ ربنا يديك علي اد نيتك 
قالي بتبرطمي تقولي اية يا بت قولتلة مبفولش حاجة وخدت بعضي ودخلت اوضتي قولت انا راجعة هلكان وجسمي مبقاش مستحمل ضرب كفايه عليا الشقا
وفي يوم وانا واقفة ببيع في المحل جاتلي زبونة شيك وباين عليها الغني قالتلي نقيلي حاجات لبنت في سنك هديه ليها نقتلها كل حاجة كان نفسي فيها اني البسهاعجبوها اوي وساعتها ادتني فلوس وقالتلي دول عشانك فرحت بيهم اوي وجريت علي البيت احطهم في الحصالة بتاعتي مع الفلوس اللي كنت شيلاها بحوش فيها من سنين دخلت لاقيت اوضتي مكركبة جريت علي مكان الخصالة ملقتهاش لسة هروح اسال امي اللي راقدة علي سريرها واسالها مين دخل اوضتي لاقيت الحصالة في ايد جوز امي عمال يعد الفلوس اللي فيها ررحت اخدها منه زقني وقعني في الارض وقالي بقي بتحوشي فلوس من ورايا يا بنت الحرام مش كفاية اني مقعدك في بيتي انتي وامك المشلولة اللي ملهاش لازمة كانت اول مرة قولتلة انت نهبني وتقول مقعدنا ببلاش انت واخد حق اعدتنا واكلنا من شغلي وتعبي كانت اول مرة ارد علية بس حرقتي علي فلوسي وتحويشة عمري كانت وجعاني مبقتش عارفة اعمل اية
لاقيتة قالي بعد كدا انا كل اول شهر هاجي اقبض من صاحب المحل مكانك ادام بتستغفليني.... 
Engy_Elkhatib 
اعدت اعيط واكلم نفسي واقول مش كفاية اني مستحنلة بقالي سنين كل اللي بيعملة فيا كمان يسرق تحويشة عمري اللي كنت بخوشها عشان اعمل مشروع واقدر اقف علي رحلي واترحم من الشغل في محل الملابس دخلت اوضتي وانا هيلة الأمل مالية قلبي ومبقتش عارفة اعمل اية وصحيت كالعادة الصبح لبست وروحت شغلي وانا عيني مورمة من كتر العياط
واول ما وصلت الشغل حصلت حاجة غريبة غيرت مجري حياتي كلها حاجة مكنتش اتوقعها ....
دخلت المحل وأنا مش شايفة قدامي، الدنيا ضلمت في وشي وكل اللي بفكر فيه هو تعب السنين اللي ضاع في لحظة. مسكت المقشة وبدأت أكنس وأنا دموعي بتنزل بوجع، وفجأة لقيت عربية سودة فخمة وقفت قدام الباب، ونزلت منها الست الشيك اللي كانت عندي امبارح. استغربت جداً وقلت في بالي هي لحقت تعوز حاجة تانية؟ دخلت وهي بتبتسم بس أول ما شافت عيني الوارمة ووشي الباهت، ملامحها اتغيرت وقربت مني وقالت بصوت واطي وكلة حنية مالك يا بنتي؟ مين اللي عمل فيكي كدة؟ حاولت أداري وشي وقلت لها مفيش يا هانم، ده شوية حساسية بس. بصت لي بصه كأنها قارية كل اللي جوايا وقالت لي بصي يا حبيبتي، أنا من امبارح وأنا بفكر فيكي، ذوقك في اللبس مكنش مجرد ذوق بياعة عادية، أنتي عندك