قدرى بقلم إنچي الخطيب ج ٢

والله وانتي عارفه صاحبتك .
رقيه ماشي يا حبيبتى ربنا يحفظك عموما ولما يجي بدر هشوف الموضوع ده وارد عليكي واشوف هيحصل ايه في موضوع الساحل واقول لك ايه اللي حصل.
وقفلوا مع بعض في القصر وبالليل بقى في القصر بدر وصل بعربيته اول ما دخل شاف رقيه وكاميليا راح قايل مساء الخير يا رقيه وبص الكاميليا وقال لها ازيك يا كاميليا يا حبيبه بابي.
كاميليا الحمد لله يا بابي
بدر بص على السفره وقال الله ايه الاكل الحلو ده ده الاكل اللي انا بحبه تسلم ايدك يا دادا يا سعاد
سعاد لا والله يا ابني مش انا اللي عملت الاكل ده دي رقيه اللي عملت كل ده
بدر بص لرقيه وقال لها هو بجد انت اللي عملتي الاكل ده طب لما ندوق بقى ونشوف الاكل حلو زي شكله ولا ايه وضحك وبص لرقيه .
رقيه بتبص له ومستنيه رايه في الاكل بتاعها.
بدر بدا يدوق في الاكل واندهش وفجاه بص الرقيه وقال لها واااااااااااااااااااااااو ايه الاكل الحلو ده ده انتي طلعتي كمان اكلك حلو
زيك يعني انتي ما فيش فيكي غلطه كده يا رقيه ..
رقيه بكسوف شكرا بجد الف هنا على قلبك
بدر اكل وقام وهو قايم قال لها رقيه عايزك في المكتب
رقيه حاضر يا بدر بيه
بدر انا مش هتكلم تاني في موضوع بيه ده
رقيه حاضر يا بدر انا جايه جايه المكتب اهو
دخلت رقيه المكتب وراحت مخبطه على الباب قبل ما تدخل طبعا
بدر اتفضلي يا رقيه
دخلت رقيه وقعدت على الكرسي اللي قدام مكتب بدر
بدر بصي بقى يا ستي كنت عايز اقول لك على حاجه
رقيه كنت عايز تقول لي على سفريه الساحل صح
بدر باستغراب وبعصبيه ايه ده عرفت منين بصوت
حاد جدا ونبره صوته بدات تتغير هو انتي بتتكلمي مع حازم ولا ايه 
رقيه لا لا والله وهي متوتره وصوتها بدا يترعش ما حصلش ما حصلش استنى بس افهمني 
بدر امال عرفت منين وصوته ابتدى يعلى انطقي
رقيه نهال صاحبتي كلمتني وقالت لي الموضوع ده 
بدر باستغراب نهال !!!! وايه علاقه نهال بالموضوع
رقيه استنى بس هفهمك بس ممكن تهدا وبلاش عصبيه هفهمك كل حاجه والله.. والخۏف كان واضح عليها
بدر رد على رقيه وقال لها اتفضلي بعصبيه راحت رقيه حاكيه لبدر ايه اللي حصل بينها وبين نهال الصبح في مكالمتهم في التليفون
بدر سكت شويه قال لها بصي مش فاهم حازم بيعمل كده ليه بس عشانك انتي انا بقول لك خلي صاحبتك تاخد بالها عشان حازم هوائي وعلاقاته كتير
رقيه حاضر هاقول لها وهلفت نظرها
بدر افهم من كده ان انت موافقه تسافري معايا الساحل عشان كاميليا وهو من جواه طبعا هيتجنن وتسافر معاه بأي شكل وتبقى قدام عينيه في كل لحظه
رقيه بخجل وابتسامه لو انت موافق فانا موافقه
بدر والفرحه مش سايعاه انا موافق طبعا ولو عايزه تجيبي صاحبتك نهال انا ما عنديش مانع مع ان حازم ما قاليش بس انا موافق عشان خاطرك وهعديها
بدر اما بقى بالنسبه لحازم ليه بقى معايا كلام ثاني بس لما نسافر الساحل
رقيه بفرحه اكيد طبعا عايزاها معايا ميرسي لحضرتك. استاذنك منه علشان تروح تحكي الحدوته لكاميليا زي كل ليله وتنيمها وقالت له تصبح على خير يا بدر ومشيت
في صباح اليوم التالي بقى
الصبح رقيه حضرت الفطار هي ودادة سعاد وكالمعتاد بدر صحي وفطر هو وكاميليا ورقيه واخذها ومشي عشان يوديها الحضانه في طريقه.
رقيه اتصلت بنهال وقالت لها جهزي نفسك علشان هنسافر الساحل
نهال بفرحه يلا انا جاهزه دلوقتي حالا
رقيه بضحك اتقالي يا هبله ما تدلقيش كده
نهال بضحكه بصوت مايعه حاضر حاضر يا اختي ماشي هعمل اللي انتي تقولي
عليه
بدر وهو في الشركه كلم حازم اول ما وصل وقال له انا جاي السفريه انا ورقيه وكاميليا ونهال صاحبتها معانا ولما نبقى نسافر انا عايز افهم منك ايه موضوع نهال ده.
حازم ضحك ضحكه فيها خبث ماشي يا سيدي هحكي لك مع اني انا نفسي مش فاهم في ايه وهحاول افهم معاك واحكي لك وانت تقول لي في ايه.
احداث سريعه اليوم الذي يسبق السفر
بدر لرقيه جهزتي شنطتك وشنطت كاميليا
رقيه ايوه طبعا جهزت شنطتي وشنطه كاميليا وجهزت لك شنطتك انت كمان.
بدر سكت باستغراب انت تعرفي منين انا هاخد ايه معايا
رقيه انا حضرت لبس كاجوال وتيشرتات وشورتات والمايوه واكيد طبعا هتحتاجه واكيد مش هتلبس هناك بدل يعني
بدر ابتسم كده وقال لها انت ازاي كده
رقيه بصيت له باستغراب وقالت له يعني ايه ازاي كده.
بدر فهماني من غير ما اتكلم
رقيه احمر واتكسفت
وقالت له تصبح على خير يا بدر
الاحداث جريت ووصلنا يوم السفر رقيه وكاميليا ركبوا العربيه مع بدر وطلبت من بدر ان هتعدي على نهال عشان ياخدوها في طريقهم وبالفعل عدوا على نهال واتجهوا لطريق الساحل واول ما وصل القريه لقوا حازم وصل ومعاه اصحابهم
وهنا كانت المفاجاه لرقيه ونهال لانه عالم غريب عليهم واول مره يشوفوه اولهم كانت رقيه لقت ان في بنات معاهم ولابسين لبس ملفت ومش بس كده واول ما شافه بدر جريوا عليه وسلموا عليه وحضنوه باسوه رقيه ساعتها وشها جاب 100 لون وتغير وبدات الغيره تاكل فيها زي الڼار ما تبدا تمسك في اي حاجه بسرعه البرق بدر ساعتها بص لها وكان اول مره يشوف رقيه كده ولاحظ وسكت والشله كانت عباره عن بنتين واثنين شباب غير حازم وبدر ورقيه ونهال طبعا البنات اساميهم ليان وجميله الشباب عمر ومحمد بس اللي ما حدش يعرفه ان جميله من ساعه ما زوجه بدر اټوفت وهي عينها عليه وهي اللي كانت مرتبه السفريه دي من الاول خالص عشان تقرب من بدري بس اللي هي ما تعرفوش ان ظهرت لها رقيه في الموضوع وكمان ما تعرفش ان رقيه اصلا موجوده واتفاجئت بيها وهي مع بدر هي ونهال وبقى عندها حب استطلاع تسال مين دول.
جميله جت جنب بدر وسندت على كتفه بدلع ومياعه وبتقول له مين دول مش تعرفنا
رقيه بصت للمنظر وشها اتغير وملامحها اتغيرت وما بقتش عارفه تعمل ايه
بدر بص لرقيه وشافها بالمنظر ده ولسه هيتكلم..
انتظروا البارت الحادي عشر من باقي الروايه مستنيه تفاعلكم ورايكم علشان اكمل الباقي وكل يوم هنزل الجزء من الروايه.
دمتم بخير