بطلوع الروح بقلم إنجي الخطيب

هتعيش فيها جميلة وهي واقفة في البلكونة بتتفرج علي الشارع والناس اللي راحة وجاية لاقت البلكونة اللي قصادهم بتتفتح وبيخرج منها شاب زي القمر طويل وشعرة ناعم وبني وعتية خضرا لثواني اتخطفت معاه لكن بسرعة بعدت نظرها عنه وسابت البلكونة ودخلت لاقت عمتها صحيت دخلت تحضر الفطار معاها وطلعته علي السفرة وراحت تصحي سهيلة ولبسوا واعدوا فطروا وراحوا الجامعة خلصوا يومهم ورجعوا وجميلة اول ما دخلت كلمت باباها وحكتلة علي يومها وحشتني
يا بابا انا روحت النهاردة ودخلت الفصل قصدي المدرج وضحكت هي و باباها انها لسة متعودة علي جو المدرسة واعدت وسط زمايلي وكنت فرحانة اوي يا بابا الدنيا مختلفة بس يا بابا الناس في المواصلات زحمة اوي وفي كل حتة غير عندنا خالص ابوها قالها مش قولتلك انتي مصدقتنيش ماشي يا بابا بس انا مبسوطة وعايزة اجرب انا بس بحكيلك يا حبيبي وبفضفض معاك انا هنام بقي دلوقتي ولما اصحي هكلمك تاني باي يا حبيبي نامت جميلة عشان تستريح من تعب اول يوم دراسة ثريا بعد
ما خلصت الغدا صحتها يالا يا حبيبتي قومي عشان تتغدي خلصوا غدي وقامت جميلة سهيلة يشيلوا الأطباق ووقفت نيلة تغسل الأطباق مكان الغدا سهيلة انتي بتعملي ايه هغسل الأطباق لا تعالي ماما هتعملها جميلة لا انا متعودة اعمل كدا مع بابا ولازم نساعد عمتو كتر خيرها انها بتتعب وتعاملنا الاكل وكل حاجة ثريا تسلم ايدك يا بنت اخويا شايفة يا ست هانم مش انتي اللي بطلعي عيني عشان تروقي اوضتك سهيلة بهزار جرا اية يا ست جميلة هتعصي الحاجة صاحبة البيت عليا ولا اية واعدوا يهزروا مع بعض ويضحكوا لحد ما جميلة خلصت غسيل الأطباق وقالت سهيلة خلاص يا حبيبتي ولا تزعلي انا يوم وانتي يوم
سهيلة بضحك قالتلها ماشي علي التدبيسة الحلوة دي مقبولة منك ومردودالك ان شاء الله
جميلة نامت بدري كالعادة وصحيت الفجر عشان تصلي واعدت تسبح لحد ما النهار طلع وصلت الضحي وخرجت البلكونة عشان تشم هوا الصبح زي ما كانت متعودة في بلدها اول ما طلعت كانت سرحانة في منظر الشروق في السما الصافيه والشمس وهي طالعة وشكلها جميل وهي سرحانة لاقت حد بيقولها صباح الخير جميلة التفتت علي الصوت وبصت لاقت الشاب بتاع امبارح اللي في البلكونة اللي قصادهم هو اللي بيكلمها جميلة اتكسفت ودخلت جري جميلة صحت سهيلة عشان يروحوا الجامعة بس خاڤت تحكيلها علي جارهم اللي قالها صباح الخير وراحوا الجامعة وقضوا يومهم كالعادة ورجعوا لاقت ثريا عمتها واخدة طبق الغسيل وطالعة تنشروا في البلكونة عنك يا عمتو لا يا حبيبتي روحي استريحي لا والله ما حد هينشر الغسيل غيري جميلة اخدت الطبق وطلعت البلكونة وهي بتنشر الغسيل لاقت الشاب اللي قالها صباح الخير بيكلمها ويقولها مش المفروض لما حد يقولك صباح الخير تردي عليه جميلة وشها احمر ومبقتش عارفة ترد قالها هتسبني وتدخلي تاني راحت بصاله بكسوف وكملت نشر الغسيل قالها طيب انا مش هضايقك تاني جميلة ردت عليه انا مش متعودة ارد علي حد معرفوش ابتسم وقالها طيب وباصة لية في الأرض وانتي بتتكلمي جميلة اتكسفت ودخلت جري جميلة اعدت عشان تذاكر بس طول ما هي بتذاكر صورة الولد عمالة تيجي في خيالها وهي بتحاول تركز في المذاكرة وتنسي لحد ما النوم غليها ونامت بس العجيب انها حلمت بيه وصحيت علي اذان الفجر قامت كالعادة وخلصت صلاه وطلعت البلكونة واول ما طلعت لاقت الشاب مستنيها وقالها صباح الخير هتردي عليا ولا هتكسفي وتسبيني وتجري كالعادة
جميلة ردت عليه صباح النور قالها انا أدهم وانتي اسمك ايه بس من غير ما تتكسفي وتطلعي تجري ولو مضايقة ومش عايزة تتكلمي انا ممكن ادخل ومتشوفنيش تاني عشان اسيبك براحتك جميلة ردت علية وقالتله اسمي جميلة قالها انا شوفتك وانتي نازلة مع سهيلة راحين الجامعة انتي في سنة كام وكلية اية قالتله انت تعرف سهيلة بنت عمتي أدهم رد عليها وقالها بشوفها في الشارع بس معرفهاش معرفة شخصية جميلة قالتلة انا في كلية اعلام سنة اولي وانت قالها ايه الصدف الحلوة دي انا كمان في كلية اعلام بس في سنة رابعة طيب بعد اذنك أنا لازم ادخل وسابته جميلة ودخلت جميلة كانت بنت في حالها سهيلة بتكلم جميلة بقالها شوية وجميلة في عالم تاني يا بنتي اللي واخد عقلك جميلة ها دا انتي مش هنا خالص سابتها جميلة ودخلت تذاكر وعدي يومها كالعادة ونامت عشان تصحي تصلي الفجر وبعد الصلاه طلعت البلكونة كالعادة وتتكلم مع ادهم وبقوا علي الحال دا كل يوم لحد ما بقوا قريبين من بعض جدا وفي يوم طلعت جميلة البلكونة كالعادة بس اليوم دا ملقتش أدهم وبقت مشغولة عليه جدا ومش عارفة توصلة لان أدهم قالها انه مبيحبش يشيل تليفون ولا بيحب تكونلوچية الموبايل دي دخلت جميلة من البلكونة ونزلت راحت الجامعة هي وسهيلة وانجهت جميلة لكليتها وهي في طريقها للمدرج لاقت أدهم واقف بعيد مستنيها اول ما شافته فرحت وبقت عايزة تجري عليه بس اتمالكت نفسها واول ما وصلته
بلهفة انت كنت فين النهاردة قالها ابدا انا بس راحت عليا نومة وعشان كدا جيت دلوقتي عشان اشوفك جميلة بمنتهي البراءة انا كنت هتجنن عليك أدهم ابتسم وقالها افهم من كدا اني مهم عندك جميلة وشها احمر من الكسوف قالتلة انا عندي محاضرات أدهم قالها لا راحة فين انا مش هسيبك النهاردة انتي وحشاني اوي جميلة بكسوف لا مش هينفع اخاڤ سهيلة تشوفني وتقول لعمتي أدهم اطمني احنا هنتمشي حوالين الجامعة بعيد عنها خرجت جميلة مع أدهم واعدوا يتكلموا كتير لحد ما قالتله انا اتأخرت لازم ارجع عشان سهيلة رجعها أدهم وشافت سهيلة واقفة مستنيها من بعيد راحتلها وروحوا مع بعض وكل يوم كان بيعدي جميلة قالها تتجوزيني جميلة عنيها لمعت وقالتلة هكلم بابا واقولة وفرحت جميلة وسابته ومشيت روحت علي البيت وقالت ان من الذوق انها تقول لعمتها وهي اللي تكلم باباها عشان كانت مكسوفة تقول لباباها وكمان اكيد عمتها هتعرف أدهم وعيلتة بحكم انهم جيران جميلة ازيك يا عمتو عاملة اية النهاردة ثريا ضحكت وقالتلها الحمد لله يا بنتي مالك يا حبيبتي اول مرة تسأليني عاملة اية في حاجة بصراحة يا عمتو انا كنت عايزة احكيلك علي حاجة قولي يا حبيبتي بصراحة كدا انا جايلي عريس ثريا الف نهار مبروك مين هو يا حبيبتي وعرفتيه ازاي هو مش من بعيد يا عمتو دا جارنا مين من جيرانا يا حبيبتي في العمارة لا يا عمتو هو مش في العمارة اللي ساكنين فيها هو في العمارة اللي قدامنا مين هو يا حبيبتي هو في الشقة 
اللي قصادنا انهي شقة يا حبيبتي اللي بلكونتها قصادنا يا عمتو فين دا يا بنتي تعالي يا عمتو انا هوريكي اخدتها من ايدها وطلعوا