من العتمة للنور بقلم سلسبيل احمد

انا مكنتش عاوزه يجي عشان لسه معرفش هلاقي ايه يمكن ميعجبوش الوضع
و فعلا .. راجعنا الكاميرات ولاقيتها راكبه عربية هي و شلة البنات الى بتقعد معاهم اخر فتره.. 
كان معايا رقم اولياء أمورهم فا فضلت اتواصل معاهم لحد ما واحد منهم رد وعرفت منه البنات قاعدين فين.. خت عربيتي و طلعت على المكان.. 
كان كافيه كبير بدورين ولي سلم لتحت نزلت ولما دخلت كان كله هيصه وفيه ستيدج وشغال اغاني وناس بترقص.. مكنتش مرتب نفسي ابدا اشوفها في وضع ميعجبنيش لكني فضلت ادور لحد ما لقيتها قاعده لوحدها على ترابيزه وسانده راسها على ايدها 
روحت وقفت قصادها وهي اتفاجئت بوجودي 
بصتلي بعيون تايهه ياسين!
قومي
خدت شنطتها بهدوء وقامت و خرجنا بره وفضلت ساكته وانا مكنتش عارف اتصرف ازاي انا فعلا غلبت معاها! 
ركبنا العربية وبعت رساله لعمي اني لاقيتها وانها كويسة و رجعت ابصلها عشان افهم لكني لقيت دموعها بتنزل بصمت و بدون اي تعابير.. 
فريده طول عمرها مش حد بيبين مشاعره ولا زعله.. دايما بتخبيهم ورا الزعيق والخناق و كلامها الى زي الدبش.. عمري ما شوفت دموعها.. فا مكنتش اعرف احساسي لما اشوفهم 
مسحت على وشي بهدوء ونزلت من العربية وبعدين قفلتها لحسن ارجع ملقهاش.. روحت اشتريت عصير و حاجات ورجعت لها و لما دخلت مكنتش مبطله بل عياطها زاد.. 
بصتلها بحيره بټعيطي ليه انا مش فاهم..!
ده عياط خوف من الى عملتيه ولا عياط ندم ولا ايه بالظبط يا فريده
مش بتسكت فا سيبتها ټعيط لحد ما بدأت تهدي فتحت العصير وحطيته قدامها 
اشربي واهدي احنا لازم نرجع البيت
بصتلي واتكلمت بصوت رايح مش عايزه
مش عايزه ايه بالظبط
موبايلي رن وكانت مرات عمي فا خرجت من العربية و رديت.. طبعا بتزعق و مټعصبه ومش فاهمه مرجعناش ليه.. طلبت تديني عمي اكلمه و لأني مكنتش فاهم ولا عارف مالها طلبت منه يهدوا ويطمنوا انها كويسه واني بس محتاجه يثق فيا و هرجعها.. 
دخلت العربية تاني و كانت هديت شوية فا بصتلها
احنا لازم نرجع
انا مش عايزه أرجع.. هما السبب فكل ده
السبب في ايه بالظبط!!
اتكلمت بنرفزه فكل حاجه!!! كل حاجه باظت بسببهم !! بابا بيجبرني علطول على كل حاجه وماما مش بتثق فيا مش بتصاحبني ولا بتتكلم معايا دول حتي معندهمش غيري ليه بيعملوا فيا كده انا حياتي باظت بسببهم ومبقتش عارفه اتصرف ولا اكمل حياتي الى هي مش حياتي اصلا دي حياتهم كل حاجه فيها بأختيارهم وضغط منهم !!!
كان باصص قدامه و لما سكت بصلي 
فريده انتي خلاص اتحطيتي في مكان بغض النظر عن الظروف! لازم تكملي في المكان وتطلعي بأحسن نتايج مش بالمستوي ده خالص اركني كل حاجه و ركزي على الى انتي فيه و انا هديكي كلمه مجرد ما اخر امتحان ليكي في تالته ثانوي يخلص بعدها مش هتعملي اي حاجه ڠصب عنك
بصتله بعدم فهم ازاي
ملكيش دعوة انا ليا طريقتي مع عمي و انا ملتزم بكلمتي بس قصادها غضبك ده يقل وتهدي من ناحيتهم.. هما خايفين عليكي لو بيتعاملوا غلط من وجهه نظرك فا ده عشان مصلحتك برضو.. ركزي انتي على مصحلتك و صلحي كل الى الى باظ في درجاتك ده
هقدر اصلح كل حاجه
هساعدك و ابعتلك حاجات تلمي منها مش هيبقي صعب انتي كدا كدا كنتي شاطره
عيوني دمعت وضحكت بسخريه على الوضع الى انا فيه.. و على مين بيساعدني! 
بصتله ياسين.. انا آسفه انا مكنتش أقصد
قاطعني مش
مهم دلوقتي يا فريده..
اوعديني
تصلحي كل حاجه
أوعدك..
هاخدها منك كلمه.. دلوقتي بقا نروح اشربي العصير
طب هنقولهم ايه
في البيت في اوضتي 
اللتزمت الصمت زي ما طلب مني اول لما دخلنا ماما جريت عليا واطمنوا اني كويسة بعدين قولت لهم اني تعبانه وهدخل اوضتي.. تحت استغرابهم طبعا و رفضهم اني مشرحش بنفسي حصل ايه لكني سيبت ياسين معاهم بعد ما قالي هنعمل ايه.. 
ايوه يعني ايه و مكانتش عارفه ترد على موبايلها بعدين من امتي وهي بتخرج لوحدها ما تتكلم يا هشام
بص تجاه ياسين انت شايف ان الى عملته ده صح
يا عمي أكيد لا طبعا انا بس بقول لحضرتك مرحله المراجعات دي تقيلة على اي حد وهي حست بضغط شديد و ده طبيعي دلوقتي فا خرجت مع صحابها مكانتش بتفكر صح و هي نفسها عارفه انها غلطانه بس مفروض نحتوي الموقف على الأقل دلوقتي
نحتوي ايه انت شايف الساعه كام دي ولا كأنها متربيه !!
هشام اهدي يا ناديه
يا مرات عمي انا مش بقول لحضرتك ان ده عادي ولا متحسبيهاش بس حاليا لو حصل اي تصرف بدون تفكير هيأثر زياده
يعني اهالي الى كانت معاهم عارفين عيالهم فين وانا بنتي متردش عليا و تتصرف كأن ملهاش كبير 
ممكن تتكلموا معاها براحه يا عمي بس بلاش اي ردود أفعال قوية حاليا
استغفرالله العظيم يارب.. بقي فريده تعمل كده
ناقص بعد كده تسبلنا البيت وتمشي!
لا طبعا فريده مش كده انتوا الى مربينها وعارفين.. اي حد بيغلط عادي المهم يتعلم وهي كانت مڼهاره لما لقتها هي بالفعل ادركت بسرعه انها غلطت و انا بأكدلك انها مش هتكرر ده..
تاني يوم الصبح 
صحيت و دخلت الحمام و محدش كان بيكلمني بابا نزل الشغل بصمت و ماما مكتفيا بنظرات ڠضب ناحيتي.. كان عندي درس فا جهزت بدري و روحت اقعد معاها قبل ما انزل 
انا عندي درس ونازله كمان شوية
طيب
انا آسفه
انزلي على درسك .. بس ياريت تبقي تخلصي وترجعي
ماما ممكن بلاش الطريقة دي
طريقة انا واحده غيري كانت
اديتك مېت قلم وربتك من اول وجديد لما ترجعي لها الساعه 12 بليل مع ابن عمك و برضو واحد تاني غير ابوكي كان مسخر بيكي الدنيا
حقكم
استغربت ردي.. وبصتلي بنص عين.. هي عارفه اني عنيده و في وقت تاني لو كنت سمعت كلام زي ده كنت هزعل و ادبدب واقول بيظلموني لكن بيني وبين ياسين اتفاق.. ومعاهده صلح وهدنه! 
دي طريقه جديده عايزه تعدي بيها الى حصل
لا.. انا مستعده لأي عقاپ
هتتعاقبي يا فريده بس مش دلوقتي عشان تبقي تسبيني كده معرفش انتي فين وخاېفه
حاولت على قد ما اقدر اصالحها و نزلت عشان متأخرش حضرت الدرس انا وسارة وبعدها رجعت علطول.. 
صرصور متيجي تطلعي نذاكر سوا 
ياه هتذاكري اخيرا ماشي هكلم ماما اقولها
طلعنا انا وهي نذاكر.. و الاسبوع مشي حلو
اوقات مذاكرتي زادت.. مستوايا بدأ يتحسن.. ياسين بيبعتلي مذاكرت كتير لكذا ماده.. وملخصات للمنهج وحتي امتحانات! 
لحد ما جه معاد الحصة بتاعته.. سارة عدت علياا كالعادة ومشينا سوا ولما طلعنا السنتر قابلت جني وصحابها.. وقربوا ناحيتي
روحتي فين يوم الخروجه!
تعبت فا روحت
قعدنا نرن عليكي بعدها يابنتي
انا كنت مشغولة في المذاكره بس
سارة بصتلي مستر ياسين داخل
اميرة طيب يلا يا فريده تعالي اقعدي معانا
بصيت لساره بتفكير.. وهي اتنهدت بزهق وسابتني وراحت قعدت قدام.. و اميرة و جني مستنين امشي معاهم. 
احم احم بتسبيني وتقعدي لوحدك
بصتلي وبصت وراها عليهم انتي سبتيهم 
ايوه.. هقعد هنا قدام عشان اقدر اركز
ابتسمت شاطره
ابتسمت لها بحب و عشان ابقي جمبك يا
صرصور
الحصه بدأت و ياسين لما
دخل لقاني
قاعده في اول صف.. لمحت
ابتسامه جانبيه