من العتمة للنور بقلم سلسبيل احمد
من العتمه للنور
ايه الدرجه الى زي الزفت دي
هو حضرتك بتكلمني انا
هو الأوضة فيها حد غيرك ولا فاكره عشان انت من الطلاب المميزين هعدي درجتك دي
لا انا مش فاكره حاجه بس حضرتك طلبتني عشان اتهزق فعلا
تتهزقي لا ده مش تهزيق انا بفوقك لنفسك! الترم الأول واخده اكتر من تلت شهادات ودلوقتي جايبه درجه أقل حد ميجبهاش!! بس هستغرب ازاي مهو كفايه عليكي الشلة الى اتلميتي عليها
متتكلم عدل يا ياسين !!!
پحده أستاذ ياسين.. فاهمه استاذ ياسين احنا هنا مش اكتر من طالبة و مدرس
وانت بتكلم الطلاب بتوعك كده !!
خد نفسه بهدوء وقام وقف قصادها فريده.. ده اخر تحذير ليكي درجتك دي تتعدل و لو شوفتك جمب البنات الى بتقعدي معاهم ورا دول تاني انتي حره انا مش هدخل عمي ولا مرات عمي في الموضوع و هيفضل بيني وبينك تمام
خرجت و سيبتله المكتب بعصبيه و لقيت ساره مستنياني بره عشان نروح مع بعض
حصل ايه
مش عايزه اتزفت
خلاص الله! تعالي يلا نمشي
راحت اشترت لي عصير و اتحملت عصبيتي المكتومه لحد ما لقتني ملامحي بدأت تهدي واحنا بنتمشي للبيت
هاه لسه مش عايزه تتكلمي قصدي تتزفتي!
بصتلها بتعب وسكت
المستر ضايقك في حاجه طيب.. ولو اني أشك
ليه يعني
مستر ياسين بيحب الطلبة الشاطرة يا فريده
بينبهني اني مقعدش مع شلة جني!!
طب ماهو معاه حق
بس ده مش من حقه !!
هي غريبه بس خاېف على مصلحتك أكيد..
طبعا ساره متعرفش انوه ابن عمي.. ولا حد يعرف اصلا..! وهو الى طلب مني معرفش حد!!
فلاش باك
خير محتاج حاجه!
سبتي القاعده يعني وقومتي اول لما عمي قالك تبدأي معايا دروس تالته ثانوي
لأني كنت مع مدرس تاني في اوله و تانيه! ليه اغيره واكمل معاك
هو شايف اني هساعدك السنه دي
ايا كان محدش خد رأيي
لو مش عايزه فا انا اعرف بطريقتي اخليه يسيبك تكملي مع الى يريحك
بصتله مش هتفرق
عموما كنت عايز اقولك اني هبعتلك المواعيد و كل حاجه.. ومش عايز اي حد يعرف انك بنت عمي
بدهشه ليه! هو انا جربانه!
جربانه
بصتله مش فهماك يعني محدش يعرف ليه
ده افضل و لمصلحتك... بعد اذنك
باك
فوقت من تفكيري على حبط ساره ليا
يابنتي!! روحتي فين
مفيش معاكي اهو..
مستر ياسين خاېف عليكي بقولك
لا يا ساره !! هو ملوش دعوة بعمل ايه و مش بعمل ايه! انا حره
روحت يومها البيت متنرفزه.. بني ادم غريب! غير مفهوم بالمره! بس انا مش همشي على مزاجه..!
بقلمي سلسبيل_أحمد
تاني يوم
صحيت على ايد ماما و هي عماله تحرك فيا على غير العاده
قومي يابنتي ايه النوم ده
ايوه ايييه!!
قومي ياسين بره اللبسي و اخرجي
ياسين
فوقت وفركت عيني.. جه يقول لبابا ولا ايه!!
لبست الاسدال بتاعي وخرجت له لاقيته قاعد
صباح الخير
بصتله بعدم فهم هو فين الخير
بصيت قدامي لقيت مذكرات
اي دول
حاجات متلخص فيهم الوحده الى حضرتك جبتي فيها 1650
بصيت ورايا ورجعت ابصله وطي صوتك!
طالما خاېفه اوي كده كنتي تذاكري
انا مش خاېفه! بس مش ناقصه حورات!
بعد وشه عني شعرك باين
عدلت طرحه الاسدال الى عماله تتزحلق بضيق وبعدين لقيت بابا خارج
اخيرا صحيتي..
بص على المذكرات ابدأي ذاكري بقا يلا
انا نازل معاك يا عمي..
ماما دخلت بصنيه عليها كوبايات عصير
استني يا حبيبي اشرب الأول
معلش يا مرات عمي كفايه القهوة تسلمي..
خرج مع بابا و انا قلعت الاسدال بضيق وقعدت ابص على المذاكرات.. كل ده !!
انا مش ملزمه اذاكر كل ده اصلا!! هو انا معنديش غير مادته ولا ايه
فات اسبوع وجه معاد حصته تاني.. الى
عليا
مش هتيجي
تقعدي معانا
بصيت لساره هتيجي نقعد ورا
لا لما بقعد ورا مش بعرف اركز خلينا قدام احسن يا فريده!
لا معلش انا مش عايزه اقعد قي وشه
جني ضحكت وانا رجعت ورا معاهم وقعدنا نهزر
بس هو دخل علطول كا العادة.. مش بيسبنا زي باقي الاستاذة بيبدء في معاده مظبوط.. ومحدش بيدخل وراه!
مسك القلم و قبل ما يبدء دور بعينه في المكان لحد ما ثبتت عليا!
فريده هشام
وقفت وبصتله بعدم فهم
أيوه
بص للاسستنت بتاعه
هات كرسي حطه هنا تعالي اقعدي هنا
قلبت عيني بملل حتي بعد لما العدد اكتمل في المقاعد كلها جابلي كرسي مخصوص!!!!!
خت حاجتي بزهق و روحت قعدت و كنت حاسه بملل طول الحصه و عماله افكر المره دي هيطلبني يقولي ايه.. خصوصا بعد لما شوفت درجه الامتحان
جايبه 1550 هو انتي بتزيدي ولا بتقلي !!!!
دي تاني وحده في المنهج تبقي واقعه فيها
مردتش عليه فا خد نفسه بهدوء وبصلي
انا عاوز افهم فيه ايه
مفيش حاجه
انتي مبقتيش تفهمي من شرحي
مش عارفه
لو هتكملي بالمستوي ده يبقي شوفي مدرس غيري
مش بأيدي.. و الترم خلاص بيخلص احنا في مراجعات يعتبر هشوف مين
كويس انك واخده بالك! احنا في شهور مراجعه اهم شهور في السنه كلها و ده مستواكي
انا عايز اعرف مستواكي في باقي المواد عامل ايه
عادي حلو
عادي حلو
فتح موبايله معرفش بيعمل ايه و بعدين بصلي
استني هنا
خد الفون وخرج يتكلم بره .. بعت مسدج لساره تمشي وتسبني عشان شكلي مطولة.. و ماما كمان رنت عليا فا قولت لها اني شوية وهروح..
رجعلي بعد حوالي عشر دقايق وقعد قصادي وهو باصصلي بنفاذ صبر وتقريبا وشه احمر پغضب مكتوم هيتحول ولا اية
فيه
الانجلش جايبه في اخر امتحان 3060
و العربي جايبه 5180 الى هو اسهل ماده
و الاحياء الى مفروض اكتر ماده تبقي متمكنه منها جايبه فيها 3050
و الكيميا..
بصتله 3550
لا كتر خيرك و اللغة التانيه 740 ايه الرقم ده
انا قولت لعمك مش بحب الفرنساوي
انتي عارفه بمستواكي ده هتجيبي مجموع عامل ازاي
مفروض بقا اخاڤ عشان روحت تسأل كل مدرسيني و عرفت درجاتي صح
يابنتي هو انتي بتحاربيني ولا بتحاربي مين بطريقتك دي عايز افهم
انا كنت عايزه ادخل ادبي برضو مش مشكلتي ان بابا دخلني على مزاجه
احنا مش هنبكي على الاطلال ډخلتي والى حصل حصل ودرجاتك كانت كويسة جدا
هو انت مش بتعرف تخليك في حالك ليه ياسين بكلمك بجد ما اسقط ولا اۏلع انت مالك هو انا ناقصه الى في البيت عشان اجي هنا تكمل عليا انا مش عايزه اكمل معاك فعلا وهشوف حد تاني حتي لو حصص اون لاين مدرسين الفيزيا قد كده انت اصلا بجد
اسوء مدرس فيزيا اخدت معاه
سيبته ومشيت بعد لما رميت كلامي المقرف الى زي الدبش.. ملوش ذنب انا عارفه! بس برضو هو بيشكل عليا ضغط تاعبني
خرجت من السنتر و لقيت البنات واقفين تحت
ايه ده فريده انتي لسه هنا
جني انتوا بتعملوا ايه
مستنين عربية جايه تاخدنا وهنخرج تيجي معانا
لا انا ..
سكت شوية.. واحده تانيه اتكلمت
تعالي بجد هتتبسطي خلينا نفك شوية
اجي فين يا اميرة
تعالي ومش هتخسري حاجه..
العربية وصلت وانا واقفة.. و ركبت معاهم معرفش رايحين فين بس مش مهم.. قفلت موبايلي و سرحت في الطريق..
بقلمي Slsbell Ahmed
يعني ايه يا هشام وبعدين
هو انا ساكت !! مانا عمال اسأل عليها اهو يا ناديه!!
الباب خبط فا راحت تفتح وكان ياسين
لسه مردتش
ناديه لا يحبيبي لسه..
طيب انا
هشام انا هاجي معاك
ياسين ااء.. أعتقد خليك هنا افضل عشان لو وصلت
او كانت قريبه
من
البيت..
و فعلا قعد
..
