صاحبة التليفون بقلم عمرو راشد

صاحبة التليفون دا توفاها الله
دا تليفون مراتي وشكلك سرقته منها يا حرامي يا ابن
وليه الغلط يا أستاذ هو أنا غلطان عشان بكلمك صدقني مراتك او ايا كان هي تقربلك ايه هي توفت
ماټت ازاي دي دي لسة نازلة طب هي فين دلوقتي
في عربية خبطتها يا أستاذ و الإسعاف جات ونقلتها للمستشفى هقولك عنوانها
مكنتش مستني ثانية واحدة كمان عشان انزل اجري و اروح على العنوان بجري في الشوارع زي المچنون ازاي ټموت مش فاهم حاجة دي كانت لسة معايا
فريد انا نازلة يا حبيبي
متتأخريش عند الكوافير
لا لا متقلقش هاجي بسرعة
بحبك
بعدها ب 10 دقايق جالي التليفون دا حصل ازاي انا مش فاهم وصلت العنوان و دخلت المستشفى
لو سمحت مراتي لسة جاية في حاډثة عربية
مفيش حد جه هنا في حاډثة عربية
ازاي في واحد كلمني وقالي على عنوان المستشفى دي
طب هي اسمها ايه
ماجدة سليم
بص على الشاشة اللي قدامه و رجع تاني يبصلي و بيحرك راسه
للاسف يا فندم مفيش حد هنا بالاسم دا
كنت خلاص فقدت اعصابي و عليت صوتي عليه
ازاي يعني انا عايز اعرف مراتي فين دلوقتي
حضرتك دي مستشفى مينفعش كدا اتفضل برا بدل ما اطلبلك الأمن
بصيت على الأرض بقلة حيلة ومشيت بس سمعت حد ورايا بينده بصوت واطي
يا أستاذ أستاذ
بصيت ورايا لقيتها ممرضة من المستشفى
عايزة ايه
حضرتك كنت بتسأل على الست اللي جات في حاډثة عربية من نص ساعة
اه أنتي تعرفي

هي فين
اه اعرف هي هنا في المستشفى و في أوضة 401 فوق في الدور الخامس
طب ليه لما سألته قالي مفيش حد بالاسم دا
اص اا اصل احنا عندنا تعليمات بكدا عشان دي بتكون حاډثة وفي شك أنها ممكن تكون عن قصد ولسة في بوليس ونيابة
كلامها مش مقنع ومعرفتش افهمه بس مكنتش مركز معاها عشان اجادلها سيبتها وجريت على الدور الخامس أوضة 401 بس الغريب اني ملقتش حد فيها والاغرب اني لما سألت عن مين اللي موجود في الأوضة دي الإجابة كانت
مفيش حد يا أستاذ في الأوضة دي شكلك غلطان في رقم الأوضة
حتى لما سألت عن مراتي الممرضين ردو عليا نفس الرد مفيش حد جه هنا في حاډثة عربية رجعت الأوضة تاني و دخلتها لقيت تليفون على السرير دا تليفون ماجدة الأسئلة زادت أكتر في دماغي فين مراتي و ازاي تليفونها هنا وهي مش موجودة خرجت أدور على الممرضة اللي قالتلي على رقم الأوضة بس ملقتهاش يأست و خرجت من المستشفى و اول ما خرجت التليفون رن من رقم غريب بس مش تليفوني تليفون ماجدة
ياااه اخيرا خرجت خدت وقت كتير انت يا فريد رغم انك لو كنت خرجت من بدري
كنت هريحك و اقولك انها مش جوا
انت مين وفين مراتي
صعبان عليا والله لهفتك عليها دي خسارة فيها 
انت هتقول انت
مين ولا اقفل السكة
متقدرش بس عموما انا هقولك انا مين انا مستنيك دلوقتي في كافيه هبعتلك عنوانه حالا قدامك 25 دقيقة بالظبط لو مجتش انا همشي
قفل المكالمة وبعدها علطول الرسالة وصلت بالعنوان والعنوان مش بعيد ولحسن الحظ كان في تاكسي قدامي ركبته ووصلت قبل المعاد ب 5 دقايق دخلت الكافيه
ببص يمين وشمال افتكرت اني معرفش شكله بس معايا رقمه كلمته وسمعت صوت تليفون بيرن لما ركزت اكتر لقيت انه بتاع الويتر جريت عليه و مسكت فيه ب إيديا الاتنين
انطق مراتي فين يإما مش هرحمك انطق
والله ما عملت حاجة ولا فاهم حضرتك بتتكلم عن ايه
بجد قول والله امال رقمك عندي بيعمل ايه انت اللي لسة مكلمني من شوية
يا أستاذ انا معرفكش اصلا عشان اكلمك
الناس بدأت تتجمع حوالينا وبيطلبو مني اني اهدا و اسيبه
ااااه اكيد حضرتك متقصدنيش انا من شوية كان في زبون هنا وطلب مني انه يعمل مكالمة من تليفوني
بقلم عمرو راشد
في اللحظة دي تليفون ماجدة رن تاني كدا اتأكدت انه مش هو و رديت
سيب الراجل يا فريد انا اللي كلمتك مش هو
هو مش كان في بينا معاد مجتش ليه
مين قالك اني مجتش لا انا جيت وشايفك دلوقتي
شايفني ازاي يعني
مش مهم شايفك ازاي المهم انا عايز اساعدك
مش عايز مساعدة منك انا كل اللي عايز اعرفه مراتي فين لو تعرف قول لو متعرفش سيبني في حالي
طب بص بما انك مصمم على الطلب دا انا هنفذهولك بس في مقابل انك تنفذلي انا كمان طلب
طلب ايه
هتعرف لما توافق
اعتبرني وافقت طلب ايه بقا
عايزك تجيبلي حاجة من بيت طليقتي
حاجة ايه
ورق ورق مهم اصل هي رافضة اني ادخل الشقة وانا محتاج الورق دا ضروري
اسرقه يعني
تقدر تعتبرها كدا
وانا موافق بس لو نفذتلك الطلب دا هاخد مراتي
مجرد ما تسلمني الورق هسلمك مراتك
اتفقنا
روحت البيت مكنتش عارف انام دماغي هتتشل من التفكير أسئلة كتير في دماغي مين دا وبيعمل كدا ليه وماجدة بتعمل عنده ايه وليه عايزني انا بالتحديد و ازاي ماجدة عنده و الراجل قالي ان في عربية خبطتها حاجات كتير مش قادر افسرها الحل الوحيد اني أصبر فضلت قاعد ل تاني يوم كل حاجة عن البيت كانت عندي نزلت و بناء على رسايله كنت بتحرك أول حاجة كانت اني اقعد على كافيه على اول الشارع بتاع البيت لحد ما يديني إشارة طلبت القهوة وفضلت قاعد مستني إشارته لحد ما عدت ساعة وأنا مستني بعدها بعتلي رسالة عشان اتحرك دخلت الشقة بالمفتاح
اللي جالي جنب القهوة
فلاش باك
هو دا ايه بتاع ايه المفتاح دا
دقيقة وهتفهم حضرتك
بعدها التليفون رن
هو ايه المفتاح دا
امال هتدخل الشقة ازاي دي نسخة من مفتاح الشقة
ولما انت معاك كل حاجة ليه متدخلش انت
لاني بيني وبينها مشاكل كتير ولو
حصل حاجة هكون انا اول واحد تشك فيه انما انت محدش يعرفك
بااك
دخلت الشقة بمشي براحة ماشي على حسب وصفه روحت على اتجاه المكتب زي ما قالي فتحت الدرج وخدت الملف اللي هو طلبه وأنا خارج من أوضة المكتب شوفتها واقفة مړعوپة ايوا كانت هي
ماجدة أنتي بتعملي ايه هنا
يتبع.. الجزء الأول تابعونا اليوم فى الجزء الثانى